يوم الأربعاء الدامى ،، ظهراً ,,

دخول مظاهرة مؤيدة لحسنى مبارك لميدان التحرير وسط المتظاهرين ,,

أكتر شىء أخافنى هو الإحتكاك بينهم لإنه سينتج عنه بلاشك مجزرة .! ( و إجهاض للثورة إعلامياً ) ،، لإن الإعلام العميل كان متربص لأى خطأ للثورة ..

بعد معاناه خرجت المظاهرة المؤيدة ,,
و بعدها بقليل دخلت الخيل و البغال و الحمير و الجمال .!

منظر مخيف و غير عادى .!
كنت وقتها واقفاً عند لجنة دخول على ناصية كنتاكى ,,

و دخلت الميدان لأرى المنظر الرهيب ..!
لا أنسى محاولة بعض الثوار إقتناص من يركبون هذه الدواب ، و قد نجحوا فى لقطة مشهورة جداُ فى التقارير الإعلامية .. .!

ذهبت مهرولا لمحاولة إقتناص اياً منهم ، و كان اللى يقع منهم محدش يسمى عليه .!
و يأخده الثوار ضرب حتى أقرب نقطة جيش .!

و حتى تحصل على نصيب من ضربهم كانت هناك حيلة عادة ما تنجح ..

كانت الحيلة تتلخص فى إن الثوار ح يهجموا على البلطجى و يقتصوا منه ، فتأتى أنت من بعيد بالشارة المعلقة على كتفتك تفيد بإنك من الثوار المنظمين .. و تقول بصوت عالى و نبرة حادة

- يا شباب محدش يمد إيده عليه لو سمحتم ، إحنا ح نسمله للجيش و هو يتصرف .. إحنا متحضرين يا شباب ,, إلى آخره ,,

و هنا يفسح البعض لك طريقاً للدخول و تكون فى مواجهة البلطجية ,,

و تقول للثوار الممسكين به ، قلنا مش ح نمد إيدينا على حد يا شباب ,,
و وقتها

تتمطع على آخرك و تخبطه بالقلم على وشه ، الأقلام الللى بتيجى فى التليفزيون دى و تتطرشق بعد ما تتضرب ..!

و هنا يضحك الثوار و يكملوا ضربه حتى وصوله لأقرب تجمع من الجيش ..!